Wat de liberalen wüllt
Wat de Liberalen in’n Kreis Pinnbarg wüllt
Dat Pinnbarger FDP Programm
för de Wahl to’n Kreisdag
an’n sössten Mai 2018
Vörwoort
De FDP is de eenzig liberole Partei in’n Pinnbarger Kreisdag.
Liberol ween bedüüdt, de Minschen jümmer Freeheit to laten un Nasicht to wiesen gegen annere.
De FDP Pinnbarg kiekt jümmers op den ganzen Kreis un dat Woll vun alle Minschen.
De FDP will op de Geller kieken, an de Familien dinken un de friwilligen Sozialgeller bibehollen.
Günther Hildebrand Klaus G. Bremer
Kreisvörsitter Fraktschoonsvörsitter
Öllern un Kinner
De FDP will, dat dat mehr Plätz in Kitas för Kinner vun een bit söss Johr geven schall un dat dat nich soveel kösten schall. För de Öllern schall dat eenfacher mööglich ween, Familie un Beroop unner een Hot to kregen.
Junge Lüüd un Utbillen
„Kinner sünd uns Tokunft“, dat bedüüdt se mööt all tosomen de selbigen Schangsen för’n gode Utbillen kregen un ‘n gode Arbeidsstell.
De FDP will dorför:
-
Eegen Verantworden för alle Scholen
-
Mehr Geller för School-Sozialarbeiders un Tosaamarbeid met de Lehrers.
Öllere Lüüd
Wi sett uns in för Wahnungen för öllere Lüüd un dat öllere Lüüd överall eenfach henkamen köönt (Barrierefreeheid).
Pleeg
För öllere Lüüd de Pleeg nöödig hebbt mutt dat beter warrn:
De FDP meent, tohus is dat beter as in’n Heim.
Dorför mööt mehr Geller utgeven warrn för‘n betere Utbillen un Betalen vun de Pleegers un Pleegerschen. Ook schall dat mehr Help geven för Wahngemeenschapen.
Hannel un Gewarf
De Elv: Dat Fohrwater inne Elv mut deeper un deelwies ook breder warrn, dat is wichtig för de ganze Metropolregion Hamborg, wo de Kreis Pinnbarg ook tohört. Awer de Dieken mööt seker blieven.
Help för Hannel un Gewarf: De FDP is för’n gode Help un Stütt in’n Kreis dorch de WEP, de dorför ok Geller vun’n Kreis hebben mutt. De WEP schall ok Land för Kooplüüd un Handwarkers köpen un verköpen könen, tosamen met de Gemeenen.
Arboretum: De Norddüütsche Goornschau Hett en groot Bedüden un dorför is dat richtig, dat de Kreis den Helperkrink ‘n Toschuss to de Kösten gifft.
Dorför dat wi uns rögen köönt
Watt op Hoochdüütsch ‚Mobilität‘ nömt ward hett groot Bedüden för uns all, sünnerlich för Lüüd de keen Auto hebbt.
Betere Fohrplans vun Bussen un mehr Verbinnungen, een eenheitlichen Tarif för alle Bussen un Bahnen, dat kunn goot för veele Lüüd ween. Dorför steiht de FDP.
De FDP is gegen den Bo vun de Kreisstroot 22 midden dörch Esingen, wi wüllt en anbinnen an de Westumfohrt in Pinnbarg.
Kultur
Hier schall dat bunt togohn und dat dat möglich blifft, mutt de Kreis dor ok Geller för
hebben. Den Kulturpris schall dat ok fürder geven un de Drostei wüllt wi behollen as een
Kulturzentrum. De Geller dorför schöölt ok vun Stifters komen.